Сен вявбикIути адамти?
Гьачам мугIяллимли сунела бучIантази хьарбаиб:
– Сен адамтани гъайбикIухIели яра дягIбиртабирухIели тIама ахъбируси?
– Илдала сабур кабурхули бургар, – буриб бучIантани.
– Сен тIама ахъбируси, эгер кIиибил адам илала мякьлав виалли, хьарбиулри мугIяллимли.
БучIантани хъуцIруми гъунчIдирулри. Илдала бекIлизи чузи бурайчи илгъуна пикри бакIили ахIенри.
ИлхIели мугIяллимли илдази буриб:
– Адамти жалбикIухIели, илди-ургаб разиагардеш алкIуси саби, илдала уркIби ва илдачил барх адамти цаличибад ца гьарахъбиркути саби. Цала цали хIебикьанбирути саби. Бикьес багьандан илдани тIама ахъбирес бехIбирхьур, илдала гьими-кьясдеш сецад имцIадикIалра илцад ахъли вявбикIар. Се бетарара дигай дихьибти адамтла-ургаб? Илди вявхIебикIар, гIяшли гъайбикIар, цала цали иргъу. Илдала уркIби лергIер мякьлар дирар ва илди-ургала дебали гъамсили бирар.
– Се бетаруси адамти цалис ца дигухIели? – хьарбаиб мугIяллимли.
– Илди гIяшли, дигIяй гъайбикIар. ЦацахIели илдас дугьбира гIягIнити ахIен – илдала хIулбани гьар секIал дурути сари.
Хъуммартидая, жалтани ва дягIбиртани хIуша цаличирад ца гьарахъдирутира. Ахъли вяв-чIярдикIули дурибти дугьбани биалли хIуша ургала гьарахъбиркур, дигиагри имцIадирар. Илбагьандан вявдикIес, маймайдикIес бурсимадирудая, сенкIун хIуша-ургала имцIабиубли, гьарахъбикалли, гIеладяхI гьуни баргес, чардухъес кьанни бирар.
