Марти юлдашуни
Марти юлдашуни
Гьачам кIел юлдаш архIяличи дурабухъун. Илдала гьуни чIянкI авлахъличи дурабикиб. Чумал бархIи илкьяйда башули, илди ихтилатбикIухIели жалбухъун ва цалис итилли, пикрихIевхъи вяхIлизи бяхъиб. Илис изиаурли хьалли, юлдашлизи селра хIеили ватур. Илини гъумличи белкIун: «Дила бегIлара гIяхIси юлдашли дила вяхIлизи бяхъиб».
Итилли илизи хьарбаиб:
- Се саби хIуни бируси?
Илини жаваб чархIебариб. Илдани гьуни даимбариб, ва чумал бархIила гIергъи шинишдеш ва шин лерси мерличи сабаиб. Илабси шарализиб бизухIели, ца кайкили кайгIули хIилхIи калун. Юлдашли ил шиннизивад дурайтIи верцахъиб.
ЧевсаргъибхIели илини къаркъаличи белкIун: «Дила бегIлара гIяхIси юлдашли ну верцахъира».
ВяхIлизи бяхъибсини верцахъибсилизи хьарбаиб:
- Нуни хIу гьимукIахъибхIели, хIуни гъумличи белкIунри, гьанна биалли къаркъаличи лукIулри, сен?!
Юлдашли жаваб бедиб:
- Нуша чили – биалра гьимдукIахъибхIели, гъумличи белкIес гIягIниси саби, ил дягIлизи буахъес багьандан. Амма чили-биалра се-биалра гIяхIси баралли, ил къаркъаличи белкIес гIягIниси саби ил даимлис калахъесли.
Илала мягIна саби – гьими гъумличи белкIунси кьяйда жявли арбукьни, гIяхIдеш биалли, къаркъаличибси белкI кьяйда уркIи разибирули кални.
