Къяна
ВиштIаси урши маза-мас дихIяхъес хала дудешлис кумекбирули леври. Цагьачам хала дудеш агарли урши сайцун мазначил калун. Ил бецI чебаибхIели кьяйда вявикIесвяхIиб:
- Кумекбарая, бецI! БецI!
Мякьлабси муза-къадала гIелабад дуцIли букIуни музабухъун, амма сегъуналра бецI хIебаргиб. Урши биалли, сунела масхара сунес гIяхIбизурли, гъинчIяхъили тIашизурлири. Илкьяйда илини гьачамцун ахIи, кIина-хIяйна бариб. ГIур биалли гьарли-марли бецI дакIубиуб.
Урши вявикIесвяхIиб:
- Даширая иша, къалабали, бецI леб, бецI!
Мурул адамтас гьанбикиб илала гIуррара къянала масхурти сари или ва кумекличи музахIебухъун. БецIли биалли, лебил мазала хIенкь кабушиб.
