ЭмхIеличила
ЭмхIеличила
Гьачам дудешра уршира эмхIера дураили архIяличи дурабухъун. Аргъ дебали буцIарсири, илди хясали дицIибти кьакьурбикад башулри. Дудеш эмхIеличи мурдайилри, уршили биалли, ургьур буцили гьалавад вашулри.
Илдас къаршиикибси гьункья викIар:
– Сен-сен вирусири хIу мурдайили вашес вамсурси урши хьурали вашахъес ватурли?!
– Илала дугъбани дудешла уркIиличи асарбариб. Ил эмхIеличивад кацIиб ва урши мурдаватур.
Гьунчив илдас цархIил адам къаршиикиб. Ил викIар:
– ЦIахли ахIену хIед жагьси урши мурдайили вашес, ухъна дудеш гIелавад хъусикIахъули?!
Урши пашманиуб ва дудешлизи сунес гIелавад эмхIеличи мурдайахъес буриб.
ГIергъиси яргализир илдас хьунул адам къарширикиб.
– Гьуя адамти, чебаибсив хIушани ишгъуна секIал? Илкьяйда инжитбирусив мицIираг? ХIуша кIелра иличи мурдайили илала къакъла чIала бялчангу!
Дудешра уршира цIахбизурли эмхIеличибад кабацIиб ва илала ургьуррабуцили сабира мякьлабад гьайбиуб.
ГIур илдас къаршиикибси мурул адамли илди дукелцIиличи бихьиб:
– Сен хIушала эмхIели хIушазивад цалра мурдатурли викес хIебируси, илини се-биалра бируси лебсив, дехалра агарагу сунечиб?
ИлхIели уршила хъуцIарличи някъра кабихьили дудеш викIар:
– Дила урши, нушани се барахIелра сеналра багьана буруси адам камхIейрар. Ил багьандан, нушала гIякьлуличил вяшдикIахIелли къулайли бирар или гьанбиркули саби.
