Секьяйда чеэс вируси?

Гьачам мутагIялим сунела мугIяллимличи вакIили викIар: «Нуни Идбаг ﷺ чеэс дебали дигулрагу, секьяйда вируси ил муэрлизив чеэс?» МугIяллимли жаваб бедиб: «ВакIи набчи жагIял бархIехъла замана, нуни хIубурсивируд секьяйда муэрлизив Идбаг ﷺ чеэс вирарал».

Урши мугIяллимличи вакIибхIели, илис хурег кабихьиб. Беркала зукьилири. Уршили шин тиладидариб, амма мугIяллимли илис хIедедиб. ГIур илини иб: «Гьанна вякьи усес кайхьен, жагIял гIянручIла дехIиба замана баайчи

айзурхIели, нуни хIу бурсивирури муэрлизив Идбаг ﷺ чеахъес». Милигдешли инжитварибси урши усес кайхьун. Савли мугIяллимли илизи хьарбаиб муэрлизиб се чебаибал. Уршили жаваб чарбариб: «Шараб шин, марка ва хIеркI». ИлхIели мугIяллимли иб: «ХIела нигет бархьси саби ва хIела муэрра иличи мешуси, бархьси саби. ХIела Идбагличи ﷺ диги илцадра бархьсили биалли, хIуни ил муэрлизив чевиид».