Бетахъибти дурхIни
Бетахъибти дурхIни
ХIясан ва ХIусен биштIали лебалри. Гьачам илди беткахъниличила хабар тIинтIбиуб. Идбаг бархкьябачил илди баргес дураухъун. Ахирра-ахир Салман ал-Фарисини илди Мадиналичибад гьарахъли ахIенси дубурла удиб баргиб.
БиштIати ХIясанра ХIусенра урехила цIакьдешли цаличи ца хъябруцбикили, вяшхIебикIули кабиилри, илдала гьалаб чIичIай лезмира дурабитIи, шяшла тIама каилри. Салман ал-Фарисини Идбаг живариб ва ил итмадан чIичIайчи гъамиуб. ЧIичIайс Аллагьла Расул вагьурли, хъярхъли кIунбацIиб.
Идбагли дурхIни кIапIбуцили, ряхIятбариб: «ХIуша дила гIямрула урунжуни! Сецад хIуша Аллагьлис ﷻ ахIерли дуилрал!» Илини илди хъуцIрумачи абатурли, МадинализибяхI гьайбариб.
Гьарилти хатIабиркути саби, вявбарили, илдачи гIясивиънили илдала гьатIира хатIаби имцIадиру.
Нушала Идбагли илди маймайхIебариб, гьарахъли арбукьни багьандан илдачи гIясихIейуб. Илди итира урухбиублири. Илини илди паргъатбарили, малхIямти дугьби дурили уркIичеббариб.
