ДурхIнас насихIят
Иман - ЧевяхIси Аллагьличи ﷻ вирхни саби. Илини саби лебил дунъяличибси гIяламат акIахъубси Сунела ЧебяхIдешличибли ва ил Сунела ПасихIдешличибли къелгIеббикули бузахъуси.
Иман 6 тIайчиб тIашси саби:
- Аллагьличи ﷻ вирхни.
- Малаикуначи вирхни.
- Аллагьла жузачи вирхни.
- Идбагуначи вирхни.
- Кьиямала бархIиличи вирхни.
- Аллагьли ﷻ насиббарибсиличи вирхни.
Гьарил бусурман адам васвасхIейкIули лерилра илдачи вирхес гIягIниси саби, илдазибад цаличилра авараагардеш дакIубарни, хIерхнилизи халбируси саби.
ЧевяхIси Кьудрата ВегI - лерил акIахъубси Аллагь ﷻ сай. Илини гьариллис ризкьи лугути сари. Ца Илцун сай нуша дулгес лайикьси.
Илала хIурматбирули, виштIахIейчивад гьарилличи чебси саби илис улгес, гIибадат бирес, Ил гьаман гьануршес, Илала пергер уми дагьес ва Иличи балга-дугIяличил дугьаилзес.
Малаикуначи вирхни
Малаикуни - Аллагьли ﷻ нурлизирад акIахъубти сари.
Илди дукути ахIен, дужути ахIен ва дусути ахIен.
Малаикунала хьунул адамла ва мурул адамла жинс бируси ахIен.
Илдани мурталра Аллагь ﷻ гьануршуси сай ва Илис булгули, даим гIибадат бируси саби.
Илди Аллагьличи ﷻ мурталра лехIирхъути сари.
Илди дубкIути сари, ва Аллагьли ﷻ илди Кьиямала бархIи мицIирдирути сари.
Суал -жаваб:
- Малаикунала ургав виэс дигулрив?
ГIяхIти баркьудлуми дирен!
- Гьарли-марси бусурман ветаэс дигулрив?
Хъуммартид малаикунани хIела гьарил барибси ва бурибси лукIути сари!
- Малаикуначи мешувикес дигив?
Гьаман Аллагь ﷻ гьануршен.
ХIушала багьудлуми ахтардидарая:
- Аллагьличила ﷻ бурая.
- ХIушани далути Аллагьла ﷻ уми гьандушая.
- Малаикуначила бурая.
- Лебилра хIушани балути малаикунала уми гьандушая.
- Кайхьес гьалаб «Аят-Аль-курсий» белчIеная, илхIели хIушачил барх бирар хIуша дихIуси малаик. Ил дуги шайтIай хIушаб зарал барес хIебирар.
