Хьунул адамтала мажлисуни
Хьунул адамтала мажлисуни
Мажлисуни – далдуцунала дазурбазиб МяхIячкъалала Муфтиятли къелгIеббикуси хьунул адамтала «Гьидаят» центрла багьудила отделла сипталичилра дубкабалтнила ифтарти детерхур. Илди хасдарилри хьунул адамтас. Илди далдуцуни жагали далкьаахъурти заланазир детерхур. Хьунул адамтачи лайикьти вягIзаби, насихIятуни, нашидуни зайдухъун.
Илала дурабадра цалабикибтас сценкаби ва конкурсуни гьаладихьилри, вавни ва савгъатунира дутIиб.
Илкьяйдали багьудила отделла сипта хIясибли, даргала Ахъушала, Лавашала, Дахадаевла, Сергокъалала, Хайдакьла районтала хьунул адамти бучили илдигъунти ифтарти детерхур.
Илди мажлисуначиб гъайбулхъутани аргъахъиб ишбархIила къиянси ва бархибси замана сецадра мягIничебсил динна багьуди касни чули ва чула биштIататас гIибратли биъни.
Хьунул адамти цабиубли чеахъбикIуси наслу чебхIебалкIахъи бархьси гьунчибад башахъес гIягIниси саби, сенахIенну хьунул аадамтанигу имцIаливан биштIатас бяркъ бедлугуси ва дурхIначил барх имцIаси замана буркIуси. Далдуцунала бекIлибиубси мягIна саби адамти-ургар диги, уржибдеш, гьалмагъдеш имцIадарес, Рирхулра, Рамазан базлизир кьяйда бурсидиубли, цархIилти бузразирра бурхIназирра гIяхIдешуни дирес даимдирниличила. Лебтасалра илгъуна ахъри габ ЧевяхIси Аллагьли ﷻ.
Кьабулдараб Кьудратла ВегIли дуцибти дуббуцари, барибси садакьа, какьурси сяхI, дарибти балга-дугIя, таравихIуни ва лерилра цархIилтира гIяхIти баркьудлуми. Амин!
