Пайдалати насихIятуни
Пайдалати насихIятуни
• Бурт бяхъес гьамадли бирар, илизи гидгарила цIуба имцIабаралли.
• Жерши дашути шинна кранниуб умубиралли, нургъби хIедашар. Илкьяйдали, жерши умубарес гьалаб 2 минутлис руржути шиннизи кабихьес вирар.
• Петрушка ванати шиннизир дирцалли, тIем гьатIира бизибирар.
• Овощуначил дирути нергъ цагьакIли дахъал мадиридая. Гьар ванадирухIели, илизирти витаминтала пайда камбирар.
• Чузир картошка яра крупаби агарти овощунала нергълизи циила дерцIибти бетIу имцIадаралли, илди бизити ва дуцти детарар.
• Овощунала нергъ бизити дирар илизи бурт бархаалли.
• Садаибти нергълизиб лавровый лист мабалтадая. Итан жерши биалли, нергълизи бегIлара гIергъиси яргализиб саби абуршуси.
• Овощуначилти нергълизи цIикIдеш лебти секIал (зукьити хиярти, миа) бегIлара гIеръи сари имцIадирути картошка чIумахIедиахъес багьандан.
• Гьар журала нергълизир бизидешлис дархиути кьар декIарти сари. Мазала диъла нергълизир бизили дирар петрушка, укроп, цIудара исиут, шумери. ГIяргIяла ва хIяйва диъла нергълизир – петрушка, цIудара исиут. Хъарала нергълизир биалли, шумери.
• Нергълизи имцIаливан гъудурдиру петрушка, укроп, сельдерей, жерши, лавровый кIапIи. Илди нергълизи гьимирли дигьи кадихьес вирар. Нергъ садаибхIели биалли, чумал минут датурли урасес.
