Хурег балкьарахъни
Хурег балкьарахъни
Жульен
ГIягIнидиркур:
гIяргIяла михъирла диъ – 300 гр;
нуси «гауда» – 150 гр;
шайтIа кьапIни – 200 гр;
декь – 1 халаси кьулса;
бурт (сливкиби) – 150 гр;
гIявадеш – 20 гр;
жерши – 1бекI;
зе, исиут – бизидеш хIясибли.
Балкьарахъни:
ГIяргIяла диъ кесекунарбарили берцIахъая ва бяргIили гIергъи гъярцIли (соломка) кьисбарая. Жерши бибгIянбарили, берцIахъая. ШайтIа кьапIни гъярцIли дурсили, дерцIахъая.
Соус: декь гIявадеш агарли духъутIдиайчи дерцIая, сливкиби кертIили, цIаличир дуцдиайчи гъудурдарая. ГIур ила дерцIибти шайтIа кьапIни, гIяргIя ва жерши имцIадарили, гIяхIил гъудурдарая. Бизидеш хIясибли зе, исиут какьая.
ГIур ил 180 градусличиб духовкализиб берцIахъес кабихьая, чедибад теркализибад дураибси нуси имцIабарая. 15 минут дикили гIергъи, жульен хIядурли саби.
Имбирла чяй
ГIягIнидиркур:
имбирь – 30 гр;
шумери – 30 гр;
лимон – 5 кесек;
апельсин 5 кесек;
варъа – 3-4 кьулса.
Лерилра дирцили, дибгIяндарили чяйниклизи кадихьая. Руржери бакIили гIергъи 5 минутцад датурли, гIур шинна 1 литр илдачи кертIая. КIапIдарили, 10 минут датирая. КертIили гIергъицун саби ванати чяйлизи варъа бархиуси, илизирти пайдалати секIал калахъес.
Беркала ашагьаб!
Хивачилси салат
ГIягIнидиркур:
гIяргIяла диъ – 400 гр;
шайтIа кьапIни – 150 гр;
дерубти кякянти – 100 гр;
чIумаси нуси – 150 гр;
жерши – 1 бекI;
хиви – 50 гр;
зе, исиут, майонез – бизидеш хIясибли.
Балкьарахъни:
Диъ белхьи, бяргIили гIергъи кесекунарбарая. ШайтIа кьапIни дурсая, жерши дайхъумявнадли кьисдарая. БуцIарбарибси табализи гIявадеш кертIили, илди дерцIахъая. ГIяргIя кьямлизи кабихьили, майонезли бакая. Чедирад дерцIили дяргIяхъибти шIайтIа кьапIни ва жерши, зе, исиут, гIур кесекунардарибти кякянтира имцIадарая. Илдала чедирад бибгIянси теркализибад дураибси нуси ва хиви какьая.
