бекlлибиубси бяхlличи чарухъес

Пайдалати насихIятуни

Пайдалати насихIятуни
  • ХIяжла хъара жявли делхьахъес багьандан шиннизи кадирхьули дирар. Илкьяйдали илди лухьути шиннизи гьар 5 минутла гIергъи 1 халаси кьулса дяргIибти шинна имцIабираллира жявли лухьути сари.
  • Биринж лухьухIели лергIер кIантIихIедирар, илди руржути шиннизи чумал кьулса дяргIибти ниъла дархаалли.
  • ХIялцIни табаличи цIапIхIелкан, илди дерцIес гьалаб таба зели бакалли. Илкьяйдали хIялцIнала гъудурмайлизи гIявадешла чумал кьулса имцIадаралли.
  • Лимонна шинни дис умубиру ва мармар къаркъа шалабиру. Илдани чяйла, хIила ва шинкьяла дамкъни, мярж урису, цIудара суранна сумкала лямцI чарбиру, жармала ва язла секIал умудиру.
  • Лимонти заяхIедиубли дахъхIи калахъес багьандан шишала банкализи зе какьурли ила кадихьая.
  • Шанглизибад, табализибад, тIалхIянализиб бялихъла гягI кахIевлан, эгер илди ванадарибти зели суркдарили, гIур шинни дирцалли.
  • Уркьуйчиб бялихъла гягI кахIелахъес багьандан, гьаланачи ил лимонни яра кьанцIали бакая. Някъбазибси гягI убасесра ил барес вирар.
  • МухIлилизибси жершила гягI убасес вирар ниъ держили.
  • Бялихъла, капустала ва итан жершила гягI убасес багьандан тIалхIяна кьанцIа гъудурдарибти шинни дирцая.
  • Шиниша хъара лухьухIели, сунела ранг кавлан илди шиннизи камси чакар гъудурбаралли. Хъарала ва хIяжла хъарала кьяртIлуми шинишли кавлути сари зе какьурти руржути шиннизир делхьалли.

    • 2026-08-01 (Сафар 1448 д.) №8.


    Азгъинти дурхIначила

    Муртрил сахаватси ва бузери дигуси хъубзара адам хIерирули уили сай. Илала азгъинти ва кьиркьирти дурхIни буили саби. ВебкIес гьалаб хъубзарли дурхIни сунечи жибарили сай ва пулан мерличибси хъуличиб кур буркъадалли, хазна бургидая или бурили сай. Хъубзара вебкIибмад, илала дурхIни ургубализи...


    Цаибил мер

    Школализиб «Къияндешлизибти халкьлис кумекбирни» бикIуси уличил конкурс бетерхур. «…Цаибил мерлис приз бедлугули саби Аслямлис! КIиибил мер сархули сай Рашидли! ХIябъибил – МяхIмудли! Тиладибирулра хIябалра сценаличи абацIахъес ва чула шабагъатуни касахъес»,...


    ЧевяхIсила хъарбаркьуни дузахъес чебиркур

    Кабиили бикути, палтар, тIалхIяна ицути машинаби, компьютерти, телевизорти, хутIличир дузути чяйникуни, печани, яшавла шуртIри кункдирути дахъал ваяхI гьаналла замана дуракаили сари, илди халкьли дузахъули сари. ВаяхI исухIели, илди секьяйда дузахъутил бурути жузира (инструкция по применению)...


    Республикализивра цаибси

    Дила белкIла игитгъуна адамличила макьала белкIес цазаманализиб къияннира бирар, гьамадлира. Мурхьти багьудлумачилси гIялимличила белкIес, хаслира ил академик виалли, лайикьси тяхIярли бетхIерар или гьанбиркули бирар. ГIялимличил ца даражаличир ихтилатдикIес, гIилмулашал мурхьти илала багьудлумачи...


    ГIурра гаджетунала асарличила

    Гьалавван наб ца тяниш къаршиикиб. «Нуни дила дурхIнази телефон батахъес вирули ахIенра. Мурталра илизив хахамвикIули сай. Кебасасли, вяв-чIярлизи ихъули сай, ва вяхIес булан валилзули сай. Балули ахIенра се барес хIяжатлил», – викIи ил.   Марлира, гIергъити дусмазиб...