бекlлибиубси бяхlличи чарухъес

Тарих

Тарих

Ца машрикьла пачас дигиаур лебил дунъяла инсаниятла тарих багьес. Илини сунела пачалихълизивси бегIлара гIякьлукар ва пасихIкар адам живарили, тарих бучахъес хъарбариб. ПасихIкарли жузала 500 том хиб. Пачалихъла зугIлуми бекIдирули вархибси пачали, замана агни иргъахъули, илизи тарих къантIбарили белкIахъес буйрухъ бедиб.

20 дус дикили гIергъи, пасихIкар дунъяла тарих белкIунти 50 жузла томличил пачачи чарухъун. Амма пача ухънакаилри ва «илди дабза жузи делчIес хIейрусну, къантIбара» или вархьиб. Ардякьун гIурра гъал дус, ва ухънакаили, хIянкайубси ухъна пасихIкарли 1 жуз хили вакIиб.

Илизиб итцад пачас багьес дигуси лебил дунъяла инсаниятла пасихIдеш белкIири. Амма пача бебкIала иза кьялшубази викили, бурушлав сайри ва илала замана аги ил ца жуз белчIесалра. ИлхIели ухъна гIякьлукарли лебил инсаниятла тарих ца тугъличил белкIун: «Адам алкIуси сай, къияндешуназив хIерируси сай, гIур биалли, убкIуси сай».

ХIЯДУРБАРИБСИ - Н.ИСМЯГIИЛОВА

2026-09-01 (РабигIуль-Авваль 1448 д.) №9.


«Дарга, барая балга»

ГIяллаева ПатIимат БяхIмудовна акIубси сари Дахадаевла районна КьярбачIимахьила шилизир 1981 ибил дуслизир. Илала белчIуди 1987 ибил дуслизиб бехIбихьибсири, Къаякентла районна Сагаси Вихърила школализиб. БелчIудилизир гьаларяхI аррякьунси илини кIел класс тамандариб ва КьярбачIимахьила школализиб...


Иличирли декIардулхъулра

Нушала тах шагьар МяхIячкъалализирти гIямру дахъ дебали дуцIли ардашули сари. Адамти даим къалабали саби хIянчиличи ва белчIудиличи балкьаэс. Буралли, адамтала гIямрула халаси бутIа гьундурачиб арбашан биубли саби. СенахIенну шагьар халабикIухIели ва илала ца мерличивад цархIил мерличи ваэс...


РабигIуль-авваль базла дурхъадеш

РабигIуль-авваль баз ЧевяхIси Аллагьли ﷻ дурхъабарибси саби лебил Сунени бархьибти идбагуназивад бегIлара Сунес дигуси Расул ﷺ акIни багьандан. Ил сабабли ил нушаб лебтасалра дебали дигахъес чебсира саби. РабигIуль-авваль – нушала дурхъаси Идбаг ﷺ акIубси баз саби, нуша жагьаннабла цIализирад...


Салат

ГIягIнидиркур: ГIяргIяла дулекI – 400 гр; Зукьити хиярти – 2; Набадари – 1; Жерши – 1; Гидгури – 2; Итани жерши – 1 цула; ГIявадеш – 1 халаси кьулса; Майонез, зе, исиут, кьар – бизидеш хIясибли.   Балкьарахъни: ГIяргIяла дулекI ва...


Чили жаваб лугуси?

ХIера, нушала улка 35 дус хIербирули саби базарла экономикала журализиб. Демократия саби ил, бикIули саби нушачиб. Гьалаб социализмала улка сабри. Дила пикрили, гIядатла адамлис дебали балбикибси пачалихъла кабиз сабри ил. ГIе, гьаларти дусмазиб, гъаибил даршдуслихъла гъаибти дусмачибад...