СултIан ва Мухтар
СултIан гьаман пасихIкар уста Мухтарличи ихтилатбарес гьаввикIусири.
Мухтар хIервируси шилизибти халкьли иличила балулри. Гьачам илди бакIили ухъначи бикIар:
- Сай салтIан булан хIечи вашули сай. Сен хIуни шилизиб школа яра больница барахъес тиладихIебирида?
Шилизибти халкь мискинни ва камти багьудлумачибли хIербирутири. Мухтар пикриухъун ва викIар:
- ГIяхIси саби, хIушани тиладибирули гIергъи ну аркьяс. Амма нуни тиладиикIес хIебалас. Нуни гьачамалра селра тиладибарибси ахIен, сеналра халбирис.
Савли ил кIялгIялизи вакIиб. Лебтанилра балулри илдала бархбасличила ва ил ацIахъиб. СултIан сунела някъбани барибси биштIаси хъулив леври, илав ил улгулри.
Мухтарли ил улгули чеили, тIашизес кьасбариб. СултIай ахирличиб ахъли буриб:
- Я Ахърила ВегI Аллагь, чIумабара дила пачалихъ, дила давлуми имцIадара, агарбара дила душманти... Амин!
Мухтарли ил бакьили, арукьес вализур. СултIай бируси балга таманбарили алзухIели ил чеили, хьарбаиб:
- ХIу мурт вакIибсири ва сен аркьусири?
Мухтар викIар:
- Ну иша пача варгес вакIибсири, амма мискин варгира. ХIу хIела масъулти арзес ЧевяхIсиличи дугьаилзули виадли, пикриухъунра, сен ну хIейрусира ЧевяхIси Аллагьличи ﷻ дугьаизес, нушаб кумекбарахъес багьандан. Селис гIягIниси наб ургакьяна?
ИлхIели Мухтарли аргъиб адамла сецадла халаси лебдеш биаллира, ил гьатIира тиладиикIес даимирули сай...
