Сабурчевси пасихIкар
Сабурчевси пасихIкар
Гьачам ца адамли лебталалра гьалав пасихIкар валтIулри: «ХIу бунагькар, имансис, держлукь!..» Илис жавабли биахъубли пасихIкар чIянкIли пишвяхъиб.
Илди чебаибси дурхъати палтарличил вегIиубси жагьил урши иличи гъамиубли викIар: «Сен хIуни илкьяйда хIу увяхIвирахъули ил валтуси? ХIед децIхIейгулив?»
ПасихIкар гIуррара пишвяхъили викIар: «Ваши набчил варх». Жагьил урши иличил варх эскибиубси хъули вакIиб. ПасихIкарли чирагъ абалкахъи буркьа сандуглизив халтIикIес вехIихьиб. Илаб илини бурдибси халгIят ва цархIилти палтар даргиб. Илди уршиличи лайдакIили викIар:
«Чегьа илди хIечи далдиркурну».
Жагьил уршили халгIят буциб, ва палтарра хIердарили, гIясили викIар:
«Се дирути наб ишди зибкьни? НукIун сагати, далдикибти палтарли вегIиублира, хIу мехIуриублирив?»
«Чебиулрив, – викIар пасихIкар, – хIуни зибкьни чегьес хIейгулри. Тяп илкьяйдали нунира сабурбарили, итини дурибти ну увяхIирути гъай кьабулхIедарили датурра. Иличи гьимуркIес хIяжатдеш агара. Илра мешуси саби нушачи иргьути зибкьни чегьурли халдирниличи. Сабурбарни биалли, дурхъаси саби…»
