АЛЛАГЬЛА ﷻ ДУРХЪАТИ УМИ
АЛЛАГЬЛА ﷻ ДУРХЪАТИ УМИ
17.Аль – ВАГЬГЬАБУ
(хъумартурси)
Савгъатдируси. Сунела лугърас гIяхIдешуни дируси. Сунес селра тIалабхIебарили гIяхIдеш бируси. Тиладибарайчи хIерли кахIейили, хIяжатти секIал лугуси. Сунела гьар секIал лерси. Сунени акIахъубти гьар секIал хIяжатти секIайчил гIердурцуси, илхIелира сунес селра тIалабхIебирули. Илгъуна къиликъ гIур чизибалра лебси ахIен ва бируси ахIен, Кьудратла ВегI Аллагьлизиб ﷻ ахIенси.
Ил ула мягIна аргъибси адамли гьар секIал Аллагьлис ﷻ къуллукъбирниличи дяхIчииу, сунес селра тIалабхIебирули. Илини гьар секIал Аллагь ﷻ разивиахъес дирули вирар. ХIяжатдеш лебтас илини кумекбиру, сунес селра тIалабхIебирули.
97. Аль – БАКЬИ
Даимси. Абадла абадси, мурталра вируси, я ветхIейхъуси. Ил пергер Аллагьла ﷻ у 1000-на тикрарбируси хамис дугиличибад жумягI бархIиличи, балагьуназивад верцахъили, лерилра илини дарибти гIяхIти баркьудлуми Аллагьли ﷻ кьабулдиру.
98. Аль – ВАРИС
Ил гьарли-марси лебдешла букьур, мурталра вируси, даимси, Сунени акIахъубти гьар секIа наслула, букьурла масла вегI. Ил Аллагьла ﷻ у берхIи абулхъухIели 100-на тикрарбиралли ил адам уцахъу пашмандешлизивад, анцIкьи-шишимайзивад, мискиндешлизивад ва илгъуна цархIилтира анцIбукьуназивад. Ил бахъна бучIуси уцахъу мискиндешлизивад ва ряхIятагардешлизивад.
99. Ар – РАШИД
Бархьси гьунчи бяхIчииан. Бархьси гьуни чеббиркIахъан, илала лагълис ил талихI саби. Пикрибарибси секьяйда бетурхахъусил хIебалули ташмишикIусини, иш Аллагьла ﷻ у 1000-на белчIалли магъриблара ишалара дехIиба ургаб, балбуцибси баркьуди севан барес гIягIнисил якьинбирар муэрлизиб яра цараван, ин шаа Ллагь.
100. Ас – САБУР
Сабурчевси. Сунела дебали халаси сабур ва ряхIятдеш лебси. Ил къалабахIейкIар ибси хIебирути танбихIлабарес. Илbни гьар секIал заманаличир диру. Аллагьла ﷻ у 100-на берхIи абухъайчи тикрарбаралли, ил бархIи лерил балагьуназивад уцахъу. Илала къаршикартани иличи цалра вайси дев бурес хIебирар, ин шаа Ллагь. Сегъунти-диалра къияндешуни акIалли, ил тяхIяр гIяхIбухъахъес 1020-йна тикрарбарес чебиркур ил у.
