Мубарак
Ассаламу гIялайкум ва ряхIматуллагьу ва баракатугьу!
АхIерти узби ва рузби! УркIи-уркIиларад мубаракдирулрая сабиуси Хала БархIила байрамличил – сунечибли дуббуцарла, балгнала, тавбала ва рухIласи умудешла дурхъаси Рамазан баз таманбируси.
Ил байрамли нушази гьанбуршули саби ислам динна дурхъадешуначила – уркIецIи, цалис цала кумек, цадеш ва гъамтачила къайгъи. Тухумдешла бархбасуни чIумадиреная, кумек хIяжаттачи хIеруди биреная, алавтачил разидеш буртIеная – илизиб саби байрамла гьарли-марси мягIна.
ИшбархIи хасти балгни дирулра нушала узбас, хъалибаргуначибад гьарахъти дявила хасси балбуцлизибти бургъантас. ЧевяхIсини илдас цIакь бедаб, мяхIкамбараб ва гIямру дерцахъаб. ЧевяхIси Кьудратла ВегIли нушала ванзаличи даршудеш ва паргъатдеш дархьаб ва лебилра бургъанти ара-сагъли чарбухъаб.
Аллагьлизи ﷻ тиладибирулра нушала дуббуцари, балгни ва гIяхIти баркьудлуми кьабулдарахъес, нушаб бархьси гьунчиб чIумадеш биахъес ва Сунела ахирагарси уркIецIилис нушала уркIбазиб шукру имцIабарахъес. Хала БархIила байрамли баракат, разидеш бихаб ва нушала цадеш цIакьбарили, нуша адбдешличи, цали цала хIурмат бирниличи ва узидешла дигиличи дархьдараба. Байрамличил! Даршудеш биаб хIушаб ва ЧевяхIсила уркIецира, баракатра.
