бекlлибиубси бяхlличи чарухъес

Гьарахъси архIя

Гьарахъси архIя

Гьар дус миллионти адамтани дурхъати мераначи хIяж дурабуркIуси саби. Макка-Мадинала мер-муса чедаэс дигути ва бусурман динна шуэсил рукну – хIяж дураберкIес дигути адамти дусличи-дус имцIабикIули саби. Жяв замунтазиб ила бахъалгъунти адамти хьурали башутири. ИшбархIила заманара илдигъунти айхъули саби.

 

Индиялизивадси бусурман Шихаб Чоттур ил тяхIярли Маккализи ваиб. Илини хьурали 8640 километр ахъиб. Керала штатлизибси туке вегIли чуйнара хабурти делчIунтири, секьяйда хIяжликьянаби хьурали дурхъати мераначи баибал, ва илини илдачибад гIибрат касес кьасбариб.

Сунела архIя илини ириъла июнь базличиб бехIбихьибсири. Саудунала ГIярабиялизи аркьухIели Шихаб Чоттурли Пакистан, Иран, Иракь ва Кувейт ахъибтири. Илала архIя 12 базра 5 бархIира бухъянбитIун.

«Гьарил илгъуна гIяхIси пикрила вегI сунела мурадличи ваэс вируси сай», - викIар хIяжликьяна.

Шихабли бурни хIясибли, илала архIя гьамадси ахIенри. Пакистанна дазуличив виза агархIели ил тIашаибсири. ИлхIели илис хIяжатбикиб улкала консульстволизи вякьи ил сасес. Гьунчив ил дахъал къияндешуначи вяхIягиб. Илди-ургар илини гьандушиб дугIла мицIираг ва Ираннизибси бугIярси аргъ.

Саудунала ГIярабиялизи ветаибхIели, Чоттур гьаланачи Мадинализи ваиб, гIур биалли Маккализи. Илди шагьурти-ургабси 440 километрла бухъяндешра илини хьурали ахъибси саби. Ил ахъес багьандан 9 бархIи ардякьун.

ХIяж барес Шихаб Чоттурли кьасбарили сай неш Зайнабличил барх. Ил Индиялизирад Маккализи самолетличир ляркьуси сари.

Кьабулбараб ЧевяхIси Аллагьли ﷻ гьарилла хIяж! Амин.

2026-04-01 (Шавваль 1447 д.) №4.


Салаватла дурхъадеш

Гьачам машгьурси имам ХIясан аль-Басричи ца гьести гIямрула хьунул адам ракIили, пашманни рикIар: - ХIурматла шайх! Бара гьаларван дила цайли–цаси рурси ребкIиб, нура анцIкьила цIализир ратурли. Нуни илгъуна децI чекасес хIерирус. Бурсирарабагу ну балгаличи, наб муэрлизир рурси чераили, дила...


Салат

ГIягIнидиркур: Капуста (цветная) - 1/4 бутIа; гидгури - 3; хияр - 1; майонез - 100 гр; зе, исиут, кьар - бизидеш хIясибли. Гидгури делхьи, кьисдарая. Капуста ва хияр ургабси журала теркализирад дураая. Лерилра дархаили, кьар, зе, исиут ва майонез имцIадарили, гъудурдарая.   Лаюса...


Буралаби

  Гьарил гъайлис сунела мер. ГIяхIси гъай мурталра кумекли бирар. ГIяхIси гъайли шанда барура ибхьу. Дахъал гъайли асар камли биру. Камти гъай гIяхIти дирар. МалхIямси гъай муриси бирар. МалхIямси гъайли шурмира гъятIиу. ПикрихIевхъи гъай мабурид. ВерхIна пкрибарили гьачам...


Суалти-жавабти

- Акбар бучIухIели цацабехIтани халати тIулбала никуби байдарили, хIулбачи суркдирули дирар. шаригIятлизиб илис сегъуна далил лебси? - Акбар бучIухIели, бусурмай «…Ашгьаду Анна МухIяммада ррасулюЛлагь…» ибти дугьби дакьибхIели, халати тIулбала никуби байдарили,...


МухIяммад Идбагла ﷺ баракатла хьунри

Маймуна   Ил бахъал биштIатачилси хъалибарглизир акIубсири. Илала дудеш ХIарис Кьурайш кьамла гьавкьябазивад ца сайри. Илини лебилра рурсбас лайикьси бяркъ бедиб. Илала неш Гьинд бинт ГIавф Маккала хIурматла хьунул адамтазирадси сарри. Ил Халид бин Валидла дудешла рузи сарри ва илала кIел...