бекlлибиубси бяхlличи чарухъес

Узидешла балбуц

Узидешла балбуц

Узидешла балбуц

Лавашала районна ЦIудхъурла шилизиб гIялимтала мажлис бетерхур. Илизир бутIакьяндешдариб республикала динна гIялимтани ва ДР –ла Муфтиятла вакилтани. Мажлисличи илкьяйдали Дагъиста муфтий шайх ГIяхIмад Афанди ваиб.

 

Илдас гIяхIялдеш чедиахъули шила ва районна администрация гьунибаиб. Балбуц Дурхъати Кьуръа аятуначибад бехIбихьиб. Мажлис абхьиб Хасавюртла имамтала советла председатель, исламла гIилмуртала доктор МухIаммад аль-Аргванини. Гъайбулхъути динна гIялимтани буриб нушаб хала бегIтани букьурли датурти халкьанала цадеш ва узидеш челябкьлализирра мяхIкамли дихIес гIягIнили биъниличила, регионнизиб даршудеш калахъес багьандан.

Историк Мурадулла Дадаевли цIудхъурла халкьла игитуначила гьанбушиб, сабира имам Шамилла манзил илис мардеш дихIули, иличил барх гъабзадешличил бургъули калунти.

Балбуц дураберкIибти сиптакартани цалабикибтас савгъатуни хIядурдарилри – мажлисла бутIакьянчиби–ургаб чIала бушили гIумра хIяжлизи 15 путевка дедиб.

Мажлисличиб Аргвани шила вакилтанира балбуцла сиптакартас дурхъати савгъатуни дедиб. Иличибли Аргванила ва ЦIудхъурла жявхIелила бархбас марбирули. Имам Шамилла манзил кIелра шила жамигIятли Дагъиста игитлис цахIнаб кумек гIеббиахъусири.

Узидеш, цадеш чIумадарес ва жагьилтас бархьси динна бяркъ бедес ибси мурадличил дураберкIибси мажлис разити аги-хIяйзиб бетерхур ва цахIнабси балга-дугIяличил таманбиуб.

2026-02-01 (ШягIбан 1447 д.) №2.


МухIяммад Идбагла ﷺ баракатла хьунри

Жувайрият МухIяммад Идбагла ﷺ хьунул Жувайрият Бану Мусталакь кьамла бекI Харисла рурси сарри. Ил бану Мусталакь кьамличилси дергълис гIергъи ясирбуцибти-ургар лерсири. Илис Барра бикIусири. Ил сунела кьамлизивадси узикьар Мусафия бин Сафванна хьунул сарри, сайра ил дергълизив алхунси. Ил...


Гьарун Идбаг

Гьарун ГIимранна урши сай. Илала насаб Якьуб Идбагла урши Лавичи абиуси саби. Гьарунна идбагдеш илала узи Мусала идбагдешличил чIумали дархдасунтири.   Египетлизиб зубартас ва канчанас сужда бирути египетлантани бекIдеш дирес бехIбихьиб. Илди Израилла халкьличи мучлаагарли хIербикIутири ва...


Янилизир пайдалати

Янилизир нуша бусягIят думсулра, гьанкI хIебиусин билзулра ва жявли зягIипдиркулра. Иличил барх иммунитет гIяшбиъниличибли цIакьагардирулра. Илгъуна аги витаминти хIедиъниличиблира бируси саби. ХIушаб гьаладирхьулра янилизир имцIали пайдалати цIедеш ва овощуни.   Апельсин – пергер...


Капусталичилси салат

ГIягIнидиркур: Капуста – 400 гр; Хияр – 2; помидор черри – 5; гIяргIяла диъ – 200 гр; шиниша хъарала тIакьа – 1; зе, исиут, кьар, майонез – бизидеш хIясибли. Балкьарахъни: Капуста бурсая ва зе какьурли кIантIибиахъес някъбани гъяжбарая. Гьалахили белхьи,...


Редакциялизи суал

- Нушани 90-ли ибти дусмазир сарри дехIдихьибти дазала-дехIибала дирули ва нушала дахъал чеблуми учидикили сари дуббуцарира дархли. Кьабулбарибси хIяжли илди хIедарибти дехIибала ва уркалунти дуббуцарла бунагьуни ицутив? - Чараагарли уркIи-уркIилавад тавба дарес чебиркур калунти дехIибала ва...