Идбагличи ﷺ гъамвиубси
Ца бархIи нушала Идбаг ﷺ сунела асхIябтачил варх мижитла кайили леври. Мижитла ухIнаухъун ца жагьил дурхIя. Идбагли ﷺ илизи салам бедиб ва лишан барили сунечи гъамвиахъубли, сунела мякьла катур.
Идбагли ﷺ ил жагьил дурхIя Абу Бакрличивра сунела мякьла гъамварили катур. Ца камси замана дикили гIергъи Идбаг ﷺ Абу БакрличивяхI шурухъи дугьавизур: «Я Абу Бакр, нуни ит дурхIя хIечивра гъамварили дила мякьла катурра, сенахIенну итиницад набчи салават буршуси дунъяличив чилра агара. Итини гьар бархIила савлира, бархIехъра ирули сай: «Аллагьумма салли гIяла МухIяммадин бигIядади ман салла гIялайгьи, ва салли гIялайгьи кама амартана биссалати гIялайгьи, ва салли гIялайгьи кама янбагъи салата гIялайгьи».
МягIна: (Я Аллагь, ХIуни МухIяммад ﷺ салават вара, чумли салават вирули виаллира итцад. Я Аллагь ﷻ, ХIуни МухIяммад ﷺ салават вара, ХIуни нушази салават вирахъес хъарбарибси кьяйда. Я Аллагь ﷻ, ХIуни МухIяммад ﷺ салават вара, сай салават варес хIяжатси жураличил). Их бучIни багьандан нуни ит хIечивра гъамварили дила мякьла катурра», - буриб илини.
