Балга – дугIя
Ражаб баз сабаибхIели бучIуси
Ражаб баз сабаибхIели нушала Идбагли ﷺ бучIусири:
«Аллагьумма барик ляна фи раджаба ва шагIбана ва баллигъна рамадана».
«Я Аллагь ﷻ бархьа нушачи Ражаб базличиб ва ШягIбан базличиб эркиндеш, ва Рабазан базличи бикайчи хIердиахъес кьадарбара».
Илкьяйдали Аллагьлизи ﷻ баракатра балагьуназирад дерцахънира тиладибарни гIяхIси саби цархIилти бузри садаибхIелира.
Дурхъати мераначивад
чарухъунсилис бучIуси
ХIяжлизивад вакIибсилис бурес гIяхIси саби:
«Аль-хIамду лиЛлягьи ллязи саллямакакьаббала – Ллагьу хIаджжака ва-гъфир занбака ва хлюф нафакьатака».
МягIна: «Шукру Аллагьличи ﷻ хIу мяхIкамварибси. Кьабулбараб Аллагьли ﷻ хIела хIяж, бунагьуначивад чевверхаб ва хIела лебдеш мяхIкамбараб».
Беркеси букухIели
Идбаглис ﷺ хурег бедлугухIели ил викIусири: «Аллагьумма барик ляна фима разакьтана ва кьина гIязаба ннар. Бисми-Ллягьи ррахIмани ррахIим».
МягIна: «Я Аллагь ﷻ баракатла биахъа ХIуни нушаб гибси, ва жагьаннабла цIализирад дерцахъаба. УркIецIичевси Аллагьла ﷻ уличил иш дунъяличив лебтачилра – бирхутачира хIебирхутачира, итил дунъяличив – бирхутачицун».
Эгер укес кайибхIели, адамли «Бисмиллагь» эс хъумарталли, гьанбикибхIели иш тяхIярли бурес вирар: «Бисми-ллагьи ррахIмани ррахIим аввалягьу ва ахирагьу».
МягIна: «УркIецIичевси Аллагьла ﷻ уличил гьаланачиб ва ахирличиб».
«Бисмиллагь» ахъли бурни гIяхIсилизи халбируси саби, иличибли цархIилтазира гьанбикахъес багьандан.
Эгер адамли хурегли укухIели «Бисмиллагь» эс хъумарталли, илис гIяхIси саби сура «аль-Ихляс» белчIес. Тяп илгъуна тяхIяр саби се-биалра бужухIелира. Хурег бирухIели ва букухIели гIяхIси саби дазайчил виъни ва Аллагь ﷻ гьануршни.
Хурегли уки гIергъи
ХIядислизиб Идбагли ﷺ бурибси: «Хурегли уки гIергъи, иш дугIя бучIусила гьаларти бунагьуни урису:
«Аль-хIямду лиЛлягьи ллязи атIгIамани гьаза ва разакъанигьи мин гъайри хIавлин мини ва ля кьувватин. Аллагьумма атIгIамта ва сакьайта ва агънайта ва акьнайта ва гьадайта ва ахIсанта фалякаль хIамду гIаля ма агIтIайта»
МягIна: «Шукру Аллагьличи ﷻ ну укахъунси ва пайлаварибси, илис дила я цIакь, я кьуват агархIели. Я Аллагь ﷻ хIуни ну берк-бержли вахира, агрилизиваб верцахъили, пайлаварили, шабагъатлаварили, икьалавиубри, деза ХIед ХIуни наб гибсилис».
Вирусини гIяхIси саби гьарил кесек букухIели «БисмиЛлагь», ахирличиб «Аль-хIямду лиЛлагь» буралли.
ГIяхIялдеш дарибсилис
Чили-биалра адам укахъес гIяхIладли живаралли, хурег берки гIергъи, гIяхIсилизи халбируси саби сай вахунсилис гIяхIси балга барни:
«Аллагьумма барик лягьум фима разакьтагьум, ва-гъфир лягьум ва-рхIамгьум».
МягIна: «Я Аллагь ﷻ, илдас баракат каммабирахъид ХIуни, илдачивад чевверхурли, уркIецIибара».
