Омега 6
Омега 6 кьукьялизи кадурхути сари дебали мягIничебси линолевая ва цархIилтира кислотаби. Илди дузути сари ишкьяйдали:
- хьунул адамтала жинсла биркIанти дузнила даража хIярхIбирухIели кумекбиру;
- вайси холестерин дурайу;
- кьаркьа клеткабази кадурхар;
- нервабачи гIяхIси асар биру;
- камличил дархдасунти излуми камдиру;
- урцецуни, дулекI чимхъа-умхитIла тяхIяр ункъли бихIу.
Халали ахIенси Омега 6 бирар:
Сояла, семечкала, хIяжланкIила, хивала, тIутIила кьумала гIявадешуназиб.
Дахъал Омега 6 гIявадешуни дирар: хивазир, ризкьила кьацIлизир, къабакъла кьумазир, берхIила ва райхIян вавнала гьелизир, куркумализир, кунжутлизир, урбешлизир, гьулу хъарализир, миндальлизир.
Омега 6 гIявадешличил давлачерти мицIирагла продуктуни:
арцантала диъ,
кIема,
гIяргIяла дулекI,
къачала диъ,
гидгарила бухъу,
бялихъ ва урхьула продуктуни.
МицIираглизирад дакIахъибти продуктуни дахъал дукес гIяхIси ахIен, амма илди агарлира гIямал хIебирар. Иличибли гIявадешуни гьунчидиркахънила бузери ва кьаркьа клеткабала даража дарсбиэс асубирар.
Омега 6 кьаркьайзиб баарила кьадар агарли биалли, илала асарти кьяйдали дакIудулхъан:
лига-кьякьяла, къакъла чIалала излуми;
гормонтала бузери булъан;
холестерин имцIабиъни;
гъез кадиркни;
никуби дялчни;
кам шулбирни.
Ил гIявадеш баарила кьадар хIебиалли, цIерхьдеш дакIубирар, кьаркьала багьлали бузни багьандан. Хаслира зарал алкIан биштIатала арадешлис. Илди гIявадешуни адамла кьаркьайзир детарути ахIен, ил багьандан илди беркесилизирад кайсути сари. Арадешличи чекадизурли жура-журала пайдалати хурегуни дукеная. Арали датабая!
(хьарахъуд бирар)
