Исламла календарьлизибад
Гьарил бархIи – ЧевяхIси Аллагьла ﷻ савгъат саби. Хъуммартид иличила челябкьлаличила паргъатагарти ва кьакьати пикрумазив. Арбякьунсиличила децI, шишимала ураса… Ца Аллагьличицун ﷻ хъарахъи ва гьаладяхI вашен!
Дурхъаси хIядислизиб бурили саби: «БегIлара Аллагьлис ﷻ дигути сари ишди авал гъай: «СубхIянаЛлагь» («Аллагь умуси»), «АлхIамдулиЛлагь» («Аллагьлис ﷻ деза»), «Ла илагьа илла Ллагь» («Аллагь ﷻ цацун сай левси»), «Аллагьу акбар» («Аллагь ﷻ ЧевяхIси»), чидилличивад вехIихьадра хIед гIяхIдешцун бирар». Баахъибси (Муслим).
МухIяммад Идбаглизи ﷺ хьарбаили саби: «Алжайзи викес багьандан се сабабли бируси?» «Аллагьлизивад ﷻ урухкIни ва гIяхIти хасиятуни, адабдеш», - буриб илини.
ГIур хьарбаили саби: «Адамти Жагьанаблизи биркнила сабаб се саби?» «Лезми ва гIаврат», - сабри жаваб. (Тирмизи, Ибн Маджа).
ЦацабехIтала кьяшми агара, дехIибайчи кабизес багьандан, цархIилтала някъби агара, дугIя барес, цацабехIти гъайбикIес хIебалули «Аллагьу акбар» ирес бирули ахIен, итилти мицIирли агара уркIи-уркIилабад сужда барили ванзаличи анда чекабаахъес…
Амма леб саби мицирлихьалли, уркIби дебкIибтира…
БебкIала малаик викIар: «Ну бархIили шуйна ва дугели шуйна адамтала дяхIла хIерикIусира илдала сягIят сабаилил багьес багьандан». (Табарани).
Ца давлачевлизи хьарбаили саби: «ХIу секьяйда давлачеввиубсири?» «Наб бакьира хIядис: «Садакьа бирусила лебдеш гьатIира имцIабируси ибси ва Аллагьличил ﷻ абзикира», - буриб илини. Нуни садакьа бедира, Илини биалли наб гьатIира имцIабариб, нуни бедира, Илини гиб,… ва ахирличив ЧевяхIси Аллагь ﷻ чедиикиб».
