Мөбәрәк көн
Аллаһуның Бөйөк Илсеһенә
Ҡөрьән уҡып, әйтәйек салауаттар.
Мөхәммәдтең ﷺ беҙ бит өммәттәре,
Булһын ине беҙгә мең сауаптар.
Мөбәрәк көн – Пәйғәмбәр ﷺ тыуған көн,
Бары матурлыҡтан Ул ﷺ яралған.
Уны ﷺ күргән барса сәхәбәләр
Сөбхәналлаһ, типтәр өнһөҙ ҡалған.
Һанһыҙ фәрештәләр сәждә ҡылған,
Сөннәтләнеп, йөҙлөк менән тыуған.
Йөҙө нурлы, керпектәре оҙон,
Тешкәйҙәре ынйылай аҡ булған.
Ҡашҡайҙары – яңы тыуған айҙай,
Бармаҡтары күркәм, нәфис булған.
Күҙҙәренә Ай үә Ҡояш менән
Сикһеҙ олуғ ғаләм үҙе һыйған.
Кеселекле, ихлас, йомарт булған,
Һоҡланырлыҡ булған Уның ﷺ холоҡ.
Һүҙҙәренән яҡты нур бөркөлгән,
Өнһөҙ ҡалған тыңлап барса халыҡ.
Хаҡ юлына бағышлаған ғүмерен,
Ҡөрьән сүрәләрен таратҡан Ул ﷺ.
Ислам дине өсөн түккән көсөн,
«Аллаһуға, – тигән, – мин тоғро ҡол...»
