Һөйәк һурпаһы
Һурпаны әҙерләү өсөн һөйәктәр, алма һеркәһе, ҡара борос, зәғферән (куркума) тамыры кәрәк. Дөрөҫ итеп әҙерләнгән һурпала коллаген, аминокислоталар, гликозаминогликандар, микроэлементтар (магний, фосфор, баҡыр, цинк, калий, тимер) күп була. Көтөүҙә йөрөгән, үлән ашаған малдың һөйәктәрен ҡулланырға кәрәк. Һыйыр, һарыҡ, күркә ите яҡшы.
Алма һеркәһе һөйәктәрҙәге туҡлыҡлы матдәләрҙе һурпаға бүленеп сығырға, ә ҡара борос составындағы биоперин уларҙы үҙләштереүҙе еңелләштерә. Зәғферән тамыры составындағы полифенол бактериаларға, һыуыҡ тейеүгә, шештәргә ҡаршы тороу, иммунитетты нығытыу көсөнә эйә.
Һурпаны әҙерләү өсөн 4 л һыуға 2 кг һөйәк, 2 аш ҡалағы һеркә, ҡара борос, зәғферән (сама менән), йәшел тәмләткестәр кәрәк. Ҡайнап сыҡҡас, иң талғын утта 12 сәғәттән 36 сәғәткә тиклем ҡайнатабыҙ. Һурпаны һөҙөп алабыҙ, тәмләткестәр, эре итеп турап, йәшелсәләр ҙә ҡушырға була. Көнөнә 200 гр һурпа һаулығығыҙҙы һаҡлауҙа ҙур ярҙам булыр. Һурпаны бүлеп алып туңдырып ҡуйһағыҙ ҙа була. Әлбиттә, дарыуханаларҙан әҙер биологик ҡушымталар ҙа алырға була, әммә үҙең эшләгәне күпкә файҙалыраҡ.
