Йөрәк ишемияһы ауырыуынан дауалар
Йөрәк ишемияһы ауырыуынан дауалар
Был осраҡта бал менән һарымһаҡ ныҡ файҙалы.
Рецепт: 250 г һарымһаҡты таҙартабыҙ һәм ваҡлайбыҙ. Шунан һуң 350 г бал менән ныҡлап бутайбыҙ ҙа ете көнгә төнәтергә ҡалдырабыҙ. Артабан бер ай дауамында, ашарҙан 40 минут алда бер аш ҡалағы эсәбеҙ.
Кардионевроз менән ауырығандарға төнөн, тынысланыр өсөн, бер балғалаҡ бал ҡабырға мөмкин. Шулай уҡ имбирҙең файҙаһы ҙур, ул йөрәкте һәм ҡан тамырҙарын нығыта. Уны киптереп, ваҡлап 1-2 балғалаҡ эсергә кәрәк.
Йөрәккә тағы ҡабак ныҡ файҙалы. Ғәйшәнән еткерелгәнсә, Аллаһ Рәсүле ﷺ: Эй Ғәйшә, утҡа сүлмәк ҡуйғанда, унда күберәк ҡабаҡ ҡушығыҙ, ул зарлы (хәсрәтле) йөрәкте нығыта» – тигән.
Һарымһаҡ, төрлө сәтләүектәр, финик, виноград, йөҙөм, инжир, ҡауын, ҡыҙыл борос, зәйтүн майы кеүек аҙыҡтар ҙа йөрәккә яҡшы тәъҫир итә. Яңы бешкән йәки киптерелгән абрикос йөрәк-ҡан тамырҙары системаһының эшен яҡшырта.
Йөрәк ауырыуҙарынан киләһе ҡушылманы эшләп ҡарарға тәҡдим ителә. Уның өсөн 1 балғалаҡ бал, 1 йомортҡа һарыһы, 1 балғалаҡ ҡара тмин, 1 балғалаҡ иретелгән май кәрәк. Барыһын да ҡушып болғайбыҙ һәм өс көн дауамында аш алдынан ас ҡарынға ҡабул итәбеҙ.
Алма, армыт (груша), айва, зәғферән, ҡәнәфер, сәй, ҡәһүә, аҡ сәскә (ромашка), ҡыҙыл роза япраҡтары, розалы һыу, лимон бөтнөгө (мелисса), ҡурай еләге кеүек аҙыҡтар тәндең тонусын күтәрә, кәйефте яҡшырта.
Мөхәммәт Дибиров.
Ләйсән Бәхтиева тәржемә итте
