Һөлөк менән дауалау
Йософ Төркмәни «Әл муғтәмәд» китабында: «Һөлөктө кешенең, күҙ сите, биттәре, сираҡтары (голень) кеүек көсһөҙ ағзаларына һәм башҡа ауыртҡан проблемалы урындарына ултыртҡанда файҙа бирә.
Ул, бигерәк тә балалар һәм ҡатын-ҡыҙҙар, физик хеҙмәт менән аҙ шөғөлләнгәндәр өсөн, хиджаманы ла алыштыра ала. Һөлөк күптәнге яра һәм ауырыу урындарҙан боҙоҡ ҡанды һура. Уны сикәгә ҡуйһаң, күҙ ҡабағындағы насар ҡанды һурып ала. Тимерәү (лишай), тире ауырыуы (экзема), Кавасаки синдромы булғанда, тиренең боҙолған урынына һөлөк ултыртыу был сирҙәрҙән ҡотолорға ярҙам итә. Һөлөк ҡуйыр алдынан, тәүҙә, ҡайһы бер айырым ҡан юлдарынан ҡан ағыҙып (фасд), ашҡаҙанды яһалма ысулдар менән бушатып, организмды таҙалап алырға кәрәк. Уртаса ҙурлыҡтағы һөлөктө, күпме кәрәк, шул күләмдә алып ҡулланыу иң яҡшыһы», – тип яҙа.
Шәйех Сәйфулла ҡади (ҡуддисә сирруһу), һөлөк һалғанда, түбәндәге ҡағиҙәләрҙе тоторға кәңәш итә:
- ҡанды һәйбәт һурһын өсөн, һөлөктө процедураға тиклем ун минут алдан һыуҙан алырға;
- тиҙ хәрәкәтләнгән һөлөктө ҡулланмаҫҡа;
- балаларға ике һөлөктән артыҡ һалмаҫҡа;
- һурылған ҡан менән тулышып, үҙе төшмәйенсә, һөлөктө алмаҫҡа;
- Һөлөктө алғас, урынына тоҙло һыуға мансылған мамыҡ ҡуйырға.
