Өлкәндәр
Өлкәндәр, өлкәндәр, өлкәндәр...
Һәр кемгә, һәр ваҡыт кәрәктәр,
Беҙ һеҙгә бурыслы ғүмергә,
Бирергә тейеш беҙ бүләктәр.
Өлкәндәр, намыҫлы өлкәндәр
Өлөшөн һәр саҡта бүлгәндәр.
Үҙҙәре ас ҡалһа ҡалғандар,
Бер кемгә өлөшкә кермәҫтәр.
Өлкәндәр, иң ғәзиз өлкәндәр,
Байрамдар булһындар күркәмдәр!
Киләсәк гел булһын ал да гөл,
Ҡалғаны ҡалһындар үткәндә.
Өлкәндәр, иң хисле өлкәндәр,
Хистәре һәр саҡта йүгәндә.
Кәрәкһә, донъяны етәкләй,
Бирәләр бик һәйбәт кәңәштәр.
Өлкәндәр, һөйкөмлө өлкәндәр,
Һеҙ кәрәк донъялар көткәндә.
Донъябыҙ йәмләнә – һеҙ булғас,
Шәфҡәтле, бер ҡатлы өлкәндәр.
