Йүтәлдән рецепт
Һөт - бик ҡиммәтле аҙыҡ һәм уны бер нимә менән дә алыштырып булмай. Гиппократ һәм Авиценна һөттө туберкулезды, аҙ ҡанлылыҡты, подаграны (быуынға тоҙ ултырыу) дауалағанда ҡулланғандар. Боронғо Ҡытайҙа психик ауырыуҙарҙы һәм неврозды ошо эсемлек менән дауалағандар.
Бик һөҙөмтәле борондан килгән рецепт тәҡдим итәбеҙ.
Ингредиенттар:
1 л ҡуйы һөт (иң яҡшыһы ауыл һөтө),
1 бәләкәй баш һуған,
1 аш ҡалағы аҡ май, бер семтем тоҙ.
Әҙерләү:
Һөттө ҡайнар хәлгә еткерәбеҙ, һуғанды, 4 өлөшкә бүлеп, һөткә һалабыҙ. 5 минут ҡайнатабыҙ. Шунан уттан алып, һыуытырға ҡуябыҙ. Аҙаҡ аҡ май һәм тоҙ ҡушабыҙ.
Был эсемлекте төнгә ҡарай, эҫе килеш эсергә кәрәк. Әммә тамағығыҙҙы бешереп ҡуймағыҙ. Ҡайнарлығын самаларға кәрәк.
Әлбиттә, эсемлектең тәме үҙенсәлекле булғанға күрә, кемгәлер эсеүе ҡыйыныраҡ булыуы ихтимал. Әммә файҙаһы оҙаҡ көттөрмәҫ, иртәнсәк үк еңеллек һиҙерһегеҙ.
