Һаулығың − байлығың
Ҡарбуҙ орлоҡтары пиелонефриттән, циститтан, бөйөрҙә таштар булғанда файҙалы. Киптерелгән орлоҡтарҙы ит турағыс йәки кофе ваҡлағыс аша үткәрергә һәм 1:10 иҫәбенән һөт менән ҡушырға кәрәк. Ашау араһында 2 стаканға тиклем эсергә тәҡдим ителә.
Бронхит, трахеит ваҡытында йүтәлде еңеләйтеүҙә балан ярҙам итер. 100 грамм баланды бер стакан бал менән ҡушырға һәм көнөнә биш тапҡыр ике аш ҡалағы, ҡайнаған һыу менән эсергә була.
Стоматит менән яфаланғанда, бер ҡалаҡ аҡ сәскәне (ромашка аптечная) бер стакан һыуҙа 15 минут ҡайнатып, көнөнә биш-алты тапҡыр тамаҡты сайҡатығыҙ.
Сиҡан, эренле шеш булғанда, ярты стакан һөткә бер аш ҡалағы туралған кер һабыны һалып, кеҫәл хәленә еткәнсе, ҡайнатырға кәрәк. Шеш урынды ошо кеҫәл менән бәйләп ҡуйып, шештән эрен сығып бөткәнсе, дауам итергә кәрәк.
Панкреатиттан картуф һәм кишер һуты ярҙам итер. Урта күләмдәге 3 картуфты 1-2 кишер менән ҡушып, һут эшләгеҙ. Иртән ашағанға тиклем ас ҡарынға эсергә кәрәк. Бер курс 7 көн, 7 көн тәнәфес. 3 курстан һиҙелерлек еңеллек килер.
