Рәхмәтлемен Һиңә, Аллаһ Раббым!
Бисмиллалап, наҙлап, һәр бер таңды
Башлайым мин изге намаҙҙан.
Ғүмерҙәрем булһа, уҡырмын, тип,
Һорайым мин ихлас Хоҙайҙан.
Ғүмерҙәрҙе бирһәң, Хаҡ Тәғәләм,
Һаулығын да миңә йәлләмә,
Шатлыҡ-ҡыуаныстар килгән һайын,
Ихласлыҡтан донъя йәмләнә.
Ҡыуандырып атай-әсәйҙәрҙе,
Һөйөндөрөп инәй-бабайҙы,
Уҡыйыҡсы изге доғаларҙы,
Ҡалдырмайса һәр бер намаҙҙы.
Йортобоҙға именлектәр килһен,
Илебеҙҙә булһын тыныслыҡ,
Балалар ҙа шатландырып торһон,
Күңелдәргә килһен йомшаҡлыҡ.
Ғүмер буйы изге намаҙҙарҙы,
Яҙһа ине миңә уҡырға,
Рәхмәтлемен һиңә, Аллаһ Раббым,
Ризалығың биргәс был юлға!
