ИСЛАМ МЕДИЦИНАҺЫ
Ҡан тамырҙарын таҙартыу
Йылдар дауамында беҙҙең ҡан тамырҙарына органик булмаған тоҙҙар ултыра. Күп ваҡыт шул сәбәптән ҡан әйләнеше боҙола, варикоз, атеросклероз кеүек сирҙәр хасил була. Шунлыҡтан, ҡан тамырҙарын даими таҙартып тороу мотлаҡ.
100 гр әнис орлоғон 2 аш ҡалағы ваҡланған бесәй үләне (валерьян) тамыры менән ҡушып, 2 литр ҡайнаған эҫе һыуға һалырға, 40 градусҡа тиклем һыуынғас, 2 аш ҡалағы бал ҡушырға кәрәк. Ошо төнәтмәне бер тәүлек тотҡандан һуң ҡулланырға була. 20 көн дауамында ашар алдынан ярты сәғәт алда 1 аш ҡалағы эсергә тәҡдим ителә. 10 көн тәнәфестән һуң курсты ҡабатларға мөмкин.
Тымауҙан бал
Тымау менән интеккәндә, бал ҡулланырға мөмкин. Ятҡан килеш танауға бер генә тамсы бал һалырға кәрәк.
Бер минут эсендә балдың парҙары тамаҡтың төбөнә төшә һәм эшкәртелеп ҡанға һеңдерелә. Балды таҙа һыу менән ҡушып шыйығыраҡ итеп тә ҡулланырға була. Көнөнә 4 тапҡыр һәр бер танау ҡыуышлығына икешәр тамсы һалырға мөмкин.
