Асығауыҙ
Кәрәк була:
230 г он
100 г ҡаймаҡ
70 г аҡ май
50 г шәкәр
1 йомортҡа
0,5 балғалаҡ сода (йәки 1 балғалаҡ ҡамыр йомшартҡыс)
ванилин
семтем тоҙ
Әҙерләү:
- Иләнгән онға ҡоро ингредиенттарҙы ҡушып болғатығыҙ. Һалҡын аҡ майҙы
ҡырғыстан үткәрегеҙ ҙә он менән бер массаға ингәнсе ыуығыҙ. Йомортҡаны,
ҡаймаҡты ҡушып, ҡамыр баҫығыҙ. Ҡамырҙы 40 минутҡа һыуытҡысҡа (йә 20
минутҡа тундырғысҡа) һалып тороғоҙ.
- Ҡамырҙы икегә бүлеп, уртаса ҡалынлыҡа йәйегеҙ. Дүртмөйөштәргә һәм
өсмөйөштәргә киҫеп, теләгән эслек һалығыҙ. Эслек өсөн повидло, муйыл
ҡайнатмаһы, ҡуйыртылған һөт, йөҙөм, күрәгә, джем, шоколад, сәтләүек,
корица һәм шәкәр ҡушылған алма һ.б. бара.
- Мейесте алдан 180 градусҡаса ҡыҙҙырығыҙ, тәмлекәстәрҙе 10-15 минут
эсендә бешереп алығыҙ. Сәйҙәрегеҙ тәмле булһын!
Уңған килен Зөбәржәт Утарбаева
