Кальцийлы һыу
Кемгә күпме кальций кәрәк? Йәшенә ҡарап, балаларға 400-800 мг, өлкәндәргә – 1000-1200 мг, 65 йәштән үткәндәргә – 1500 мг. Аҙыҡтан ғына был тиклем кимәлдәге кальцийҙы алып булмай. Таблеткалар ҡулланырға була, әлбиттә. Ул ваҡытта ҡушып магний, Д һәм К2 витаминдарын эсергә кәрәк.
Кальцийлы һыу эшләүҙең бик ябай ысулы бар:
1 тауыҡ, 7 бүҙәнә (перепелка) йомортҡаһын бешерәбеҙ. Бешерер алдынан йомортҡаларҙы яҡшылап йыуыбыҙ. Йомортҡаларҙың ҡабығын онтайбыҙ (металл менән түгел). Онтар алдынан ҡабыҡтың эсендәге ярыны алып ташлайбыҙ. Бер литр һыуға һалып һәйбәтләп бутайбыҙ, бер көн бүлмә температураһында тотабыҙ. Тәүлегенә 300-500 мг эсергә була. Файҙаһы күберәк булһын тиһәгеҙ, һыуға шунгит (аптекала бар) өҫтәргә тәҡдим ителә. Ул саҡта һыуҙы кремний һәм башҡа минералдар менән дә байытабыҙ.
