Хаж ҡылыу әҙәбе
Хаж ҡылыу әҙәбе
Хажға юлланғанда
- Юлға алған килемең хәләл булырға тейеш
- Башҡа юлсылар менән яҡшы мөғәмәләлә булыу
- Юлдаштарға һәм артта тороп ҡалғандарға ярҙам итеү
- Юлдаштар менән ризығың менән бүлешеү
- Күркәм әхлаҡлы булыу
- Матур һөйләшеү
- Сиктән сыҡмай ғына шаярыу
- Юлдаштарыңды күргәндә йылмайыу
- Ҡәрҙәшең һөйләгәндә, уны тыңлау
- Ауыр саҡтарҙа юлдаштар менән бәхәсләшмәү
- Ҙур булмаған хаталарҙы һиҙмәҫкә тырышыу
- Ярҙам алғас, шунда уҡ рәхмәт әйтеү
- Ҡәрҙәштәреңде артыҡ күреү һәм уларға ярҙам итеү мөмкинлектәрен эҙләү
Ихрам1 хәлендә
- Ғөсөл ҡойоноу
- Ихрам таҙа булырға тейеш
- Хуш еҫле майҙарҙы ҡулланыу
- Ас булғандарға ярҙам итеү
- «Ләббәйкә» доғаһын тулы күңелдән уҡыу
- Уны ҡысҡырып уҡыу
- Тауафты ихтирам менән ҡылыу
- Сайҙы Аллаһ ризалығына ирешеү ниәте менән ҡылыу
- Ғәрәфәлә Ҡиәмәт көндөң килеүен асыҡ рәүештә күргән кеүек тороу
- Рәхмәт билдәһе тип Ҡәғбәгә карау
- Сират күперенән үткән кеүек хушлашыу тауафын ҡылыу
- Хаж йолаларын үтәп, Мәккәнән ҡайғырып, Ҡәғбәне тағы күреүҙе теләп ҡайтып китеү.
Мәккәгә кергәндә
- Ихтирам менән ҡурсаулыҡҡа кереү
- Зарығыу тойғоһо менән Мәккәгә ҡарау
- Әл- Харам мәсетенә оло ихтирам менән ҡарау
- Тәкбир һәм тәһлил2 әйтеп, Ҡәғбәгә ҡарау
- Тауафты йыш ҡылыу
- Хаж менән бергә ғөмрә ҡылыу
- Бәйтуллаһҡа ихтирам менән кереү
- Бәйтуллаһҡа кергәндән һуң, гөнаһтар өсөн даими ғәфү үтенеү
Мәҙинәгә кергәндә
- Етди ҡиәфәттә һәм күңелеңдәге бер хозурлыҡ менән дини хөкөмдәр индерелгән һәм практикала ҡулланылған ҡалаға кереү
- Аҙаҡ Пәйғәмбәрҙең (саллә-ллаһү ғәләйһи үә сәлләм) мәсетен һәм минбәрен барып күреү, уның бында намаҙ һәм хөтбә уҡығанын күҙ алдына килтереү
- Пәйғәмбәрҙең (салләллаһү ғәләйһи үә сәлләм) ҡәберенә килгән саҡта, уның йөҙөңә ҡарап тороуын, һинең алдыңда ултырыуын күҙ алдына килтереү. Аҙаҡ уның менән шым ғына һөйләшеүеңде күҙ алдына баҫтырыу.
- Башта Мөхәммәд пәйғәмбәргә (салләллаһү ғәләйһи үә сәлләм) сәләм бирергә, унан һуң Әбү Бәкергә һәм Ғүмәргә (радыйаллаһу ғәнһүмә), күрше-ләренә. Пәйғәмбәргә (салләллаһү ғәләйһи үә сәлләм) ҡарата уларҙың мөхәббәтен, бергә йөрөүҙәрен, бер- береһенә ихтирамлы ҡарашын, хәстәрлеген күҙ алдына килтереү. Ҡәберҙән киткәндә, арҡа менән боролмайынса, артҡа сигеү.
_____________________________________
1 Ихрам – үҙәнселекле хәл, уға кереп, мосолман хаж йәки ғөмрә ҡыла.
2 Тәхлил – «лә иләәһә иллә- Ллаһ» Аллаһтан башҡа иләһ юҡ) тигән һүҙҙәрҙе әйтеү.
Имам Әбү Хәмид әл Ғазалиҙың “Әҙәптәр” китабынан
