Йома көндәрендә Мөхәммәд ғәләйһис-сәләмгә салауат әйтеү
Йома көндәрендә Мөхәммәд ғәләйһис-сәләмгә салауат әйтеү
Эй мөьминдәр һәм мөьминәләр! Мөхәммәд ғәләйһис-сәләмгә ﷺ һәр көндә, һәр ваҡытта, һәр миҙгелдә, һәр сәғәттә күп итеп салауат әйтегеҙ! Аллаһу Тәғәлә һеҙҙе, һис шикһеҙ, дәһшәт һәм афәттәрҙән, ғазаптан һәм язанан азат итер, ер һәм күктәр урындары менән алмашып ауышҡас, юғары йәннәттәргә керетер.
Әш-Шиблиҙән (Аллаһ унан риза булһын) хикәйә ителгәнсә, ул: “Күршеләремдән бер ир үлгәс, мин уны төшөмдә күрҙем һәм хәле хаҡында һораштым.
Ул миңә: "Эй Шибли! Минең башымдан оло ҡурҡыуҙар уҙҙы! Миңә һорау бирелде лә минең телем унан тетрәнеп бәйләнде. Минең яныма ике фәрештә килде лә береһе мине ғазапларға ынтылды. Шул ваҡыт эргәмдә бик матур бер зат пәйҙә булды. Минең улай матур йөҙлө затты бер ваҡытта ла күргәнем булманы. Ул фәрештә менән минең араға кереп баҫты.
Мин унан: "Һин кем?" – тип һораным.
Миңә үҙенең дәлилен бәйән иткәндән һуң ул: "Мин – фәрештә. Аллаһ мине Мөхәммәдкә ﷺ салауат әйтеү сауабынан яралтты, ә һин иһә Мөхәммәд ғәләйһис-сәләмгә салауатты күп әйтә инең. Шунлыктан Аллаһ рөхсәте менән мин һине һәммә ҡайғыларҙан һәм тамуҡ уттары ғазабынан азат итермен, мин һине йәннәткә керетмәйенсә ҡалдырмам һәм һинән айырылмам", – тип әйтте", – тигән.
Мөхәммәд ғәләйһис-сәләмгә салауат әйтеүҙән йөҙ бормағыҙ, беҙ шул сәбәптән йәһәннәм эҫелегенән ҡотолдок, ә ул урын – ни яман ерҙер!
Аллаһу Тәбәрәкә үә Тәғәлә Мусаға: "Эй Муса! Әгәр телең – һүҙемә, ҡарашың нуры – күҙемә, ишетеүем – ҡолағыңа яҡыныраҡ булыуын теләһәң, дуҫым Мөхәммәд ғәләйһис-сәләмгә салауатты күп итеп әйт!" – ти.
