Имам Шәфиғи әйткән салауат
Имам Шәфиғи әйткән салауат
Әбү Йәғәфәр әт-Таһаүиҙан (Әбү Йәғәфәр Әхмәт бине Мөхәммәд бине Сәләмәт бине Сәлмә бине Ғәбделмалик бине Сәлмә бине Сәлим бине Сөләймән бине Жәббәр әл-Әзәди) риүәйәт ителгәнсә, Ғабдулла бине Ғабдулхәкәм төшөндә Шәфиғиҙе (Аллаһ унан риза булһын) күрә.
Ул Шәфиғиҙән: «Аллаһ һинең менән нимә эшләне?» – тип һорай.
Имам Шәфиғи: «Миңә мәрхәмәт күрһәтте һәм ярлыҡаны, кәләш үҙенең буласаҡ иренә кейәүгә сығырға вәғәҙә иткән кеүек, миңә Йәннәткә кереүҙе вәғәҙә итте», – тип яуап бирә.
Ғабдулла бине Ғабдулхәкәм: «Һине ул мәртәбәгә нимә ирештерҙе?» – тип һорай.
Имам Шәфиғи: «Рисәлә» китабы аҙағында килтерелгән Мөхәммәд ғәләйһис-сәләмгә салауат әйтеү доғаһылыр», – ти.
Ғабдулла бине Ғабдулхәкәм имам Шәфиғиҙән уның ниндәй доға булыуын һорай.
Имам Шәфиғи уға: «Салләллааһу ғәләә сәййидинәә Мөхәммәдин мәә ҙәкәраһүҙ-ҙәәкируун үә ғәддәғән ҙикриһил ғаафилүүн»
“Аллаһым! Әфәндебеҙ Мөхәммәдкә, уны зекер итеүселәр зекер иткәнсә, уның зекеренә ғафил булыусылар һанынса салауат уҡы», – тип белдерә.
Ғабдулла бине Ғабдулхәкәм: «Уянғас, иртә менән, мин ул «Рисәлә» китабын уҡыным. Унда әлеге салауат доғаһының ул әйткәнсә булыуын күрҙем», – ти.
