Балаларыбыҙ өсөн доға ҡылайыҡ!
Балаларыбыҙ өсөн доға ҡылайыҡ!
Йә Аллаһ, баламды Үҙеңдең иң яратҡан ҡолдарыңдың берәүһе ит, өммәтебеҙ өсөн файҙалы итеп йәшәт, тура юлыңдан алып бар.
Бәрәкәтле ғүмер насип ит үҙенә!
Йә Раббым, миңә уны юғары әхлакле һәм тәҡүәле итеп үҫтерергә ярҙам ит. Һинең Ризалығыңа ирешергә теләгән изге күңелле кешеләр менән уратып ал. Әхирәттәге тормошона зыян итеүсе һынауҙар бирмә!
Икһеҙ-сикһеҙ ғилем сығана-ғыңдан файҙалыһын бир, зирәк аҡыл менән бүләклә. Үҙеңдән башҡаға мохтаж итмә. Балама тәүбә ҡылып, Аллаһты зекер итеп, рәхмәтле булып йәшәү бәхетен бир, иманын ҡеүәтлә! Ҡушҡаныңды үтәүҙә ныҡлыҡ, ихласлыҡ бир!
Был донъяның, Ҡиәмәт көнөнөң ғазабынан, хәүеф-хәтәрҙән һаҡла. Хисап көнөндә еңеллек бир, нәфсеһенең зыянынан ҡурсала, бөтә гонаһтарын кисер. Үҙеңдән башҡа бөтәһен дә оноттор. Ҡәҙерле балағынамды Һинең Рәхмәтеңде еткереүгә сәбәпсе ит. Амин.
