Бәхетле булыу серҙәре
Бәхетле булыу серҙәре
Яҡшы уйҙарҙа бул, насар уйҙарҙан һаҡлан. Яҡшы уйҙар — бәхетле булыуҙың бер сәбәбе.
Күңелең тартҡан эш менән шөғөллән — һинең шөғөлөң донъяуи бәхеттең бер өлөшө булып, үҙеңә лә, кешеләргә лә файҙа килтерһен өсөн.
Аллаһу Тәғәләнең һиңә биргән ниғмәттәре, яҡшылыҡтары хаҡында уйлан, улар тураһында кешеләргә һөйлә, шөкөр ит.
Аллаһу Тәғәлә һиңә иман, аҡыл, һаулыҡ, байлыҡ, ризыҡ, ғаилә һәм эш бирҙе икән, бының өсөн Уға рәхмәтле бул.
Кешеләрҙең күберәк яҡшы яҡтарына иғтибарыңды йүнәлт, кәмселектәренә күҙеңде йом. Камил кеше юҡ, һәм был тәү сиратта һинең үҙеңә лә ҡағыла.
Ғәйбәт һүҙенә ышанма. Кешеләрҙең хаталанғанын көтөп, кәмселектәрен эҙләмә, сөнки был һиңә лә, уларға ла бәхет килтермәҫ.
Һаулығыңды һаҡла, сөнки тән сәләмәтлеге — йән сәләмәтлеге.
Аллаһу Тәғәләгә һәр ваҡыт доға ҡыл: ғәфү үтен, ярҙам һора, нәфел намаҙҙары уҡы, ураҙа тот. Шул рәүешле йәшәүеңдең дә, тәнеңдең дә яйлап таҙарына барыуын һиҙерһең.
Шәйех Әйд әл-Ҡарниҙың “Ҡайғырма!” китабынан
