Пәйғәмбәребеҙ Мөхәммәд ﷺ хәҙистәре

• Аллаһу Тәғәлә, бәндәһенә изгелек теләһә, уға кешеләрҙең ихтыяжын йүнәлтә.
• Маҡтаусыларҙың йөҙөнә тупраҡ һибегеҙ.
• Бер насарлыҡ эшләнең иһә, артынан уҡ яҡшылыҡ эшлә. Яманлығың һыҙып ташланыр.
• Мәрхәмәтлеләргә Аллаһу Тәғәлә мәрхәмәтле булыр. Һеҙ ерҙәгеләргә мәрхәмәтле булһағыҙ – күктәгеләр һеҙгә мәрхәмәтле булыр.
• Һарыҡ аҫыра, сөнки ул – бәрәкәтле.
• Һеҙгә күршеләрегеҙ менән бергә булыуҙы васыят итәм.
• Ҡушаматы менән кешегә өндәшеүсегә – фәрештәләр ләғнәте.
• Ауырыуҙың хәлен белешергә барыусы – Йәннәт баксаһында йөрөүсе.
• Һинең хәлеңде килеп белмәгәндәргә үҙең бар, һиңә бүләк бирмәгәндәргә үҙең бүләк бир.
• Дин ҡәрҙәштәрегеҙгә сырай һытып ҡараусыларға Аллаһу Тәғәлә асыулы булыр.
• Берәүҙең күҙ алдында бер мосолман ҡәрҙәшкә ғәйбәт яғылһа һәм, мөмкинлеге була тороп та, уны шул ғәйбәттән яҡламаһа, Аллаһу Тәғәлә ул кешене ике донъяла ла хур итә.
• Һүҙ йөрөтөп, кешеләр араһын боҙоуҙан һаҡланығыҙ.
• Дине һәм изге ғәмәленән ҡала, берәү ҙә бер-беренән артыҡ түгел. Хурлыҡ өсөн кешегә тотанаҡһыҙ, әҙәпһеҙ, һаран һәм ҡурҡаҡ булыу ҙа бик еткән.
• Һәр нәмәнең үҙ асҡысы бар. Йәннәт асҡысы – меҫкендәр менән ярлыларҙы һөйөү.
• Зыяратҡа барығыҙ – әхирәтте иҫегеҙгә төшөрөр.
• Һаҡланып ҡына тәҡ-дирҙән ҡотолоп булмай.