Ни өсөн үлем еңеүсе булған?
Ни өсөн үлем еңеүсе булған?
Хәҙрәти Әбү әл-Ҡасим әс-Суфый һөйләне: "Иң беренсе Аллаһу Тәғәлә ынйыны яратты. Ул ғорурланды. Аллаһу Тәғәлә уға ҡарағас, ул ебене һәм һыуға әйләнде. Һөҙөмтәлә, һыу өҫтөнә ҡалған ынйының күбеге күтәрелде. Ул күбектән Аллаһу Тәғәлә ерҙе яратты. Ер ғорурланды һәм әйтте: "Минең кеүек кем бар?" Шунан һуң Аллаһу Тәғәлә тауҙарҙы яратты, үә шуның менән ерҙе тауҙар еңде. Унан һуң тауҙар ғорурланды. Аллаһу Тәғәлә тимерҙе яратты, үә тауҙар тимер менән еңелде. Унан һуң тимер тәкәбберләнде. Аллаһ утты яратты, үә ул тимер ут менән еңелде үә ебене. Унан ут ғорурланды. Аллаһу Тәғәлә һыуҙы яратты, һәм ут та еңелде. Һыу ҙа ғорурланды. Аллаһ болоттарҙы яратты, һәм ул һыу, юҡҡа сығып, болоттарға әүерелде. Болоттар ҙа ғорурланды. Аллаһу Тәғәлә елде яратты, үә ул болоттар таралды. Ел дә ғорурланып китте. Аллаһ кешене яратты, үә ул өйҙәр һалып, ел уға ҡаршы хәлһеҙ булды. Унан кеше лә ғорурланды. Аллаһу Тәғәлә йоҡоно йоҡоно яратты, үә ул кешене еңде. Йоҡо ла ғорурланды, үә Аллаһ ауырыуҙы яратты, ул иһә йоҡоно еңде. Ауырыу ғорурланғас, Аллаһ үлемде яратты, үә ул ауырыуҙы еңде. Әммә үлем бөтәһен еңгәненә ғорурланманы үә ул бөтөн үлем эйәләренең еңеүсеһе булып ҡалды.
Иллә лә мәгәр Аллаһу Тәғәлә бер ҡасан да үлмәҫ. Сөнки ул Мәңге үә Тере. Ул Олуғ һәм Бөйөк. Бар нәмәне бар итеп яратты үә Ул һәр нимәгә лә ҡөҙрәтлелер.
Фәрит хәҙрәт Сәлмән календарынан
