«Ҡорама» бәлеше
Шоколадлы өлөш:
160 г он
150 г шәкәр
100 мл көнбағыш майы
4 йомортҡа
2 аш ҡалағы какао
2 балғалаҡ ҡамыр йомшартҡыс
Эремсекле өлөш:
200 г эремсек
2 аш ҡалағы шәкәр
2 аш ҡалағы крахмал
1 йомортҡа
ванилле шәкәр
Йомортҡаларға шәкәр ҡушып, күпергәнсе туғырға. Көнбағыш майы ҡойоп болғатҡас, ондо, какаоны, ҡамыр йомшартҡысты иләк аша үткәреп өҫтәргә, яҡшылап туғырға.
Ҡамырҙы табаға ҡойорға.
Эремсекле өлөштө блендер менән ваҡлап, салафан төргәккә бушатырға ла осон киҫеп, бәлештең өҫтөн фотолағыса биҙәргә.
180 градуста 30-40 минут бешерергә (мейесегеҙгә ҡарап самалағыҙ).
Сәйҙәрегеҙ тәмле булһын!
