Ҡышҡылыҡҡа ҡыярҙан турама

Беҙгә кәрәк:

3 кг ҡыяр

250 мл көнбағыш майы

250 мл томат кетчубы

250 мл башҡа кетчуп (чили, шашлычный)

125 мл һыу

100 мл аш һеркәһе (9%)

1,5 аш ҡалағы тоҙ

180 г шәкәр

12 теш һарымһаҡ

Әҙерләү:

1. Маринад өсөн һарымһаҡтан башҡа барыһын бергә ҡушып болғатығыҙ.
2. Ҡыярҙы 8 өлөшкә киҫеп сығығыҙ.
3. Маринад менән бутап, талғын утта 25-30 минут ҡайнатығыҙ, ваҡыты ваҡыты менән болғатып тороғоҙ.
4. Һарымһаҡты ҡырғыс-тан үткәреп ҡушығыҙ ҙа, йәнә 10 минут быҡтырығыҙ.
5. Эҫе килеш стерилләш-терелгән һауыттарға буша-тығыҙ.

Тәмле лә, татлы ла турама әҙер. Һыуытҡыста йә баҙҙа һаҡларға була. Аштарығыҙ тәмле булһын!

Уңған килен Зөбәржәт Утарбаева