ҠАРА ЕМЕШТӘН БӘЛЕШ
ҠАРА ЕМЕШТӘН БӘЛЕШ
Беҙгә кәрәк буласаҡ:
- ҡара емеш (слива) - 300-500 гр
- аҡ май (маргарин) - 250 гр
- шәкәр - 250 гр
- ванилле шәкәр - 2 балғалаҡ
- 5 йомортҡа
- он - 350 гр
- ҡамыр йомшартҡыс - 2 балғалаҡ (йәки 1 балғалаҡ сода)
- семтем тоҙ
Әҙерләү барышы:
- Ҡара емеште һөйәгенән таҙартып, 2 өлөшкә киҫәбеҙ.
- Йомшаҡ аҡ майҙы ағарғансы туғыйбыҙ. Семтем тоҙ, шәкәр, ванилле шәкәр өҫтәп, тағы туғыйбыҙ. Берәр йомортҡа һытып, яҡшылап болғатабыҙ. Ҡамыр йомшартҡыс ҡушылған ондо иләк аша үткәреп, массаға ҡушабыҙ. Ҡуйығына ҡамыр килеп сығасаҡ.
- Ҡамырҙы табаға йәйеп һалабыҙ, өҫтөнә ҡара емеште теҙәбеҙ.
- 180 градуста 30 минут бешерәбеҙ.
Бәлеш һыуынғас, өҫтөнә шәкәр пудраһы һибергә мөмкин. Сәйҙәрегеҙ тәмле булһын!
