«Баноффи пай» десерты
«Баноффи пай» десерты
Кәрәкле ингридиенттар:
печенье - 300-350 г
аҡ май - 100-120 г
2-3 банан
ярты банка ҡайнатылған ҡуйыртылған һөт
200 мл һөт өҫтө (33%)
300 г эремсекле сыр
шәкәр пудраһы - 90 г
Печеньены төргәк эсенә һалып, уҡлау менән ваҡлайбыҙ ҙа, иретелгән аҡ май ҡушып болғатабыҙ. Табала йә берәй һауытта печеньены тигеҙләп йәйәбеҙ. Стакан менән йөрөтөп, төбөн һәм тирә-яғын формалаштырабыҙ. 30-40 минутҡа һыуытҡысҡа ҡуйып торабыҙ.
Крем өсөн һалҡын һөт өҫтөн һәм эремсекле сырҙы, әҙерәк пудраны ҡушып туғыйбыҙ.
Десерт нигеҙен һыуытҡыстан алып, төбөнә ҡайнатылған ҡуйыртылған һөттө һылайбыҙ, банан киҫәктәрен теҙеп сығабыҙ. Өҫтөн крем менән ҡаплайбыҙ.
Сәйҙәрегеҙ ҡайнап та сыҡҡандыр, сөнки был десерт менән шунда уҡ сәй эсергә лә була. Сәйҙәрегеҙ тәмле булһын!
