СӘЙГӘ АНҺАТ РУЛЕТ
СӘЙГӘ АНҺАТ РУЛЕТ
Ҡамыр өсөн:
4 йомортҡа
120 г шәкәр
120 г он
семтем тоҙ
Бөтә ингредиенттар ҙа бүлмә температураһында булырға тейеш
Крем:
200 мл һөт өҫтө (33%)
эремсекле сыр (130-140 г)
50 г шәкәр пудраһы
Йомортҡаларға шәкәр, семтем тоҙ ҡушып, ағарғансы туғырға (7-10 минут).
Ондо иләп өҫтәргә, ҡалаҡ (лопатка) ярҙамында масса ҡушылғансы аҫтан өҫкә ҡарай болғатырға.
Листҡа пергамент ҡағыҙы йә силикон түшәп, өҫтөнә ҡамырҙы ҡойоп тигеҙләргә (дүрткел формала).
170 градусҡаса ҡыҙған мейестә 10-13 минут бешерергә (оҙаҡ тотмаҫҡа, юғиһә, бисквит ҡата).
Мейестән сығарыу менән бисквитты рулет итеп төрөргә.
Бисквит һыуынғансы, крем эшләргә. Уның өсөн һалған һөт өҫтөн миксер менән туғып, аҙаҡ шәкәр пудраһы һәм эремсекле сыр ҡушып, йәнә туғырға.
Артабан бисквитты һаҡ ҡына асырға ла, крем һөртөргә кәрәк. Ҡабат рулет итеп төрөргә. Өҫтөн теләгәнсә биҙәргә.
1 сәғәт һыуытҡыста тотоп алғас, рәхәтләнеп сәй эсергә лә була.
Сәйҙәрегеҙ тәмле булһын!
