Эремсектән рогаликтар

Эремсектән рогаликтар

300 г эремсек (5%-тан кәм булмаһын)

180 г аҡ май

300 г он

100 г шәкәр

1 ҡап ҡамыр йомшартҡыс (10 г)

сама менән ванилин

* Күләмде үҙегеҙ билдәләгеҙ. Һәр хәлдә эремсек менән он дәүмәле тигеҙ булырға тейеш.

Эремсек менән бүлмә температураһындағы аҡ майҙы, шәкәр менән ванилинды бергә болғатырға. Он менән ҡамыр йомшартҡысты иләк аша үткәреп, эремсекле массаға ҡушып йомшаҡ ҡамыр баҫырға. Ҡамырҙы салафан төргәккә һалып, 40 минут самаһы һыуытҡыста тоторға.

Һалҡын ҡамырҙы 3-4 өлөшкә бүлеп йәйергә. Өҫтөнә әҙерәк шәкәр һибеп, уҡлау менән тигеҙләргә. Өсмөйөштәргә киҫеп, рогаликтар (асығауыҙҙар) эшләргә. 170-180 градусҡаса ҡыҙған мейестә 25-30 минут бешерергә. Сәйҙәрегеҙ тәмле булһын!

Уңған килен Зөбәржәт Утарбаева