Ҡаймаҡлы бәлеш
Ҡаймаҡлы бәлеш
Ҡамыр өсөн:
100 г май
100 г шәкәр
1 йомортҡа
семтем тоҙ
1 балғалаҡ ҡамыр йомшартҡыс
180-200 г он
Эслек өсөн:
400 г ҡаймаҡ (20%)
1 йомортҡа
3 аш ҡалағы шәкәр
Йомшарған аҡ майҙы, шәкәрҙе, йомортҡаны бергә ҡушып болғатырға. Тоҙ өҫтәргә.
Ҡамыр йомшартҡысты онға ҡушып иләргә. Йомшаҡ итеп ҡамыр баҫып, ситкә ҡуйырға.
Эслек өсөн ҡаймаҡты, йомортҡаны һәм шәкәрҙе бергә ҡушып туғырға.
Ҡамырҙы табаға ҡул менән йәйергә. Эслекте ҡойорға. Теләк буйынса өҫтөнә емеш-еләк һалырға.
190 градусҡаса ҡыҙған мейескә 25-30 минутҡа оҙатырға (ҡамыры ҡыҙарып бешкәнсе).
Ҡаймаҡлы бәлеште киҫер алдынан тулыһынса һыуытырға кәрәк. Сәйҙәрегеҙ тәмле булһын!
