Халыҡ әйтһә – хаҡ әйтә
Намыҫлы кеше – ырыҫлы кеше.
Яҡшы менән юлдаш булһаң – эшең бөтөр,
Яман менән юлдаш булһаң – башың бөтөр.
Нәфсе шайтан – аҡыл иман
Иҫән саҡта йөрөп ҡал, был донъяны күреп ҡал.
Аҡсаң булмаһа ла, выжданың булһын.
Сәләм бирмәгән бер оятлы, яуап бирмәгән мең оятлы.
Күлдең йәме ҡама менән, өйҙөң йәме бала менән.
Берҙәм өйҙә бәрәкәт бар, ғауғалы өйҙә һәләкәт бар.
Ярлылыҡ ғәйеп түгел, ялҡаулыҡ ғәйеп.
Аҡыллы ир ҡатынын яманламаҫ.
Ирҙе әҙәм иткән дә ҡатын, әрәм иткән дә ҡатын.
Инсафы булмағандың иманы булмаҫ.
Кешене ҡәҙер итһәң, ҡәҙер күрерһең.
Илдекен урлаған ҡазаға эләгер, ҡазаға эләккән язаға эләгер.
