ПОНЧИКТАР РЕЦЕБЫ
ПОНЧИКТАР РЕЦЕБЫ
Ҡамыр өсөн:
400 мл йылы һөт
2 йомортҡа
80 г шәкәр
80 г аҡ май
10 г ҡоро сүпрә
ванилин
700-800 г он
Глазурь өсөн:
шоколад (2 ҡап)
көнбағыш майы (3-4 аш ҡалағы)
Һөттө йылытырға (ҡайнатмаҫҡа, йылынан эҫерәк булһын).
Аҡ майҙы утҡа ҡуйып иретергә.
Ондан башҡа барлыҡ ингредиенттарҙы ҡушып, яҡшылап туғырға.
Иләнгән ондо әҙләп өҫтәй барып, йомшаҡ ҡамыр баҫырға.
Ҡамырҙы сепрәк менән ҡаплап, 1 сәғәткә йылы урынға ҡуйырға.
Бер сәғәттән ҡулдарҙы майларға ла ҡамырҙы тасҡап алырға кәрәк. Йәнә ярты сәғәткә ҡалдырырға (был юлы сепрәк менән ҡапламаҫҡа).
Ҡамырҙы 1-1,5 см ҡалынлығында йәйеп, пончиктар эшләргә.
Яҡынса 33-34 пончик сыға. Пончиктарға 15 минутлап ял бирергә.
Табаға көнбағыш майын мул ғына ҡойоп, пончиктарҙы һәр яғы ҡыҙарғансы бешереп алырға.
Әҙер пончиктарҙы салфетка өҫтөнә теҙеп сығырға.
Глазурь өсөн шоколадты иретергә. Сама менән көнбағыш майы ҡушып болғатырға.
Һәр пончикты глазурға манып алырға ла өҫтөн теләгәнсә биҙәргә.
Пончиктарға шәкәр онтағы ғына һибеп тә була. Сәйҙәрегеҙ тәмле булһын!
