ҺУТЛЫ КОТЛЕТТАР

ҺУТЛЫ КОТЛЕТТАР

Кәрәк буласаҡ:

фарш - 500 г

һыуҙа ебегән аҡ икмәк - 200 г

һуған - 90 г (2 шт)

һарымһаҡ - 2 теш

тоҙ, борос (сама менән)

һыу - 100 мл

Котлеттарҙы әүәләр өсөн әҙерәк он, ҡыҙҙырыр өсөн көнбағыш майы.

1. 4-5 телем аҡ икмәктең ҡаты өлөшөн киҫеп, һыуға ебетергә һалабыҙ.
2. Итте, һуғанды, һарымһаҡты ит үткәргестән үткәрәбеҙ. Сама менән тоҙ, борос һалабыҙ.
3. Икмәкте һығып фаршҡа ҡушабыҙ. Һыу ҡоябыҙ. Ҡул менән тасҡайбыҙ.
4. Фаршты яҡшы ғына итеп һуҡҡылап алабыҙ.
5. Котлеттар эшләйбеҙ (яҡынса 9 шт сыға). Шулай уҡ устан-усҡа һуҡҡылап әүәләйбеҙ.
6. Майҙы ҡыҙҙырырға ҡуябыҙ. Котлеттарҙы онда аунатып, табала ҡыҙҙырабыҙ. Утты үҙегеҙ самалағыҙ.

Котлеттарҙы әйләндереп-әйләндереп, һәр яғын яҡынса 3-4 минут ҡыҙҙырырға.

Котлеттар һутлы, ҡабарынҡы килеп сыға. Аштарығыҙ тәмле булһын!

Уңған килен Зөбәржәт Утарбаева